PROVINCE OF CEBU-Nipirma ang siyam ka mga gobernador sa Kabisay-an og manifesto nga nagpamatuod sa ilang suporta kang Presidente Ferdinand Marcos Jr. ug sa iyang kampanya sa Bagong Pilipinas.
Diin ang manifesto gipirmahan atol sa kick-off ceremony sa 455th founding anniversary celebration sa Cebu Province sa Capitol Social Hall.
Kung diini ang mga mipirma mao sila si Cebu Gov. Gwendolyn Garcia, Iloilo Gov. Arthur Defensor Jr., Southern Leyte Gov. Damian Mercado, Eastern Samar Gov. Ben Evardone, Siquijor Gov. Jake Villa, Guimaras Gov. Joaquin Carlos “JC” Nava, Aklan Gov. Jose Enrique Miraflores, Negros Occidental Gov. Eugenio Jose “Bong” Lacson, ug Bohol Gov. Erico Aristotle Aumentado.
Si Garcia ug Bise Gobernador Hilario Davide III maoy nangulo sa pagpirma sa manifesto sa suporta.
Subay niini, gihagit si Garcia, ang nahabiling 82 ka mga gobernador sa nasud sa pagpadayag sa ilang suporta sa kasamtangang administrasyon.
Gihatagan usab niini og gibug-aton nga ang panaghiusa sa mga lider adunay positibo nga epekto sa pagpalambo sa nasud.
Samtang sa wala pa pirmahi sa mga gobernador sa Kabisay-an ang manifesto, ang lokal nga mga lider sa Sugbo nakapirma na sa manifesto, apil na ang mga opisyal gikan sa mga lungsod ug component cities, ingon man ang highly urbanized nga mga siyudad sa Sugbo, Lapu-Lapu ug Mandaue.
