Kapin sa 8 milyones ka mga tawo ang miapil sa mga lihok protesta sa tibuok US.
Gitawag nila kini nga protesta nga “No Kings”, diin ilang gisupak ang mga polisiya nga gipatuman ni US Presidente Donald Trump.
Pipila sa mga lakang naglakip sa gubat sa Iran, mga pagdili sa imigrasyon ug ang padayon nga pagsaka sa mga presyo.
Gikan sa Los Angeles, Boston, New York, Washington DC, Houston ug daghan pa.
Apil usab ang Minnesota, diin ilang gihinumdum ang mga biktima nga sila si Renee Nicole Good ug Alex Pretti nga gipusil sa mga ICE Agents..
Pipila sa mga personalidad sa showbiz sama sa aktor nga si Robert De Niro ug singer nga si Bruce Springsteen ang nakiglambigit usab sa protesta.
Hugot ang usab ang pagbantay sa awtoridad, diin daghang mga indibidwal ang nadakpan sa Los Angeles tungod sa pagsulay sa pag-atake sa mga awtoridad.
Ang mga protesta gihimo usab sa pipila ka mga lugar sama sa Paris, London ug Lisbon, Portugal.
