Nahimong unang nasud sa kalibutan ang Australia nga nagdili sa paggamit sa social media sa mga bata nga ubos sa 16 anyos.
Nag ingun si Prime Minister Anthony Albanese nga ang lakang maghatag og mas luwas nga pagsugod sa online world para sa mga bata.
Sugod gahapong adlawa, ang mga dagkong plataporma sa social media kinahanglan nga mopatuman sa mga sistema sa pag-verify sa edad, ug ang mga kompanya nga molapas sa balaod mahimong mag-atubang ug multa nga hangtod sa $50 milyon.
Ang bag-ong mga regulasyon nagtumong sa pagpanalipod sa kahimsog sa pangisip sa mga batan-on gikan sa cyberbullying, online exploitation, ug pagkaadik sa social media.
Daghang mga ginikanan ang nagpahayag sa ilang suporta tungod kay kini nakakunhod sa ilang mga kabalaka bahin sa kaluwasan sa ilang mga anak online.
Sa iyang mensahe, gipasiugda ni Albanese nga kini usa ka makasaysayanong lakang nga magtakda sa sumbanan alang sa ubang mga nasud sa digital nga panahon.
