Masaligon ang Department of Justice nga madala balik sa Pilipinas si kanhi Ako Bicol Party-list Rep. Zaldy Co gikan sa Czech Republic.
Sumala ni Justice Secretary Fredderick A. Vida, 99% siyang sigurado sa pagpauli sa pugante nga kanhing magbabalaod, bisan wala pa’y tukmang petsa kung kanus-a kini matuman.
Miingon si Vida nga ilang respetuhon ang hurisdiksyon sa Czech Republic, ug karon didto siya uban ni Chief State Counsel Dennis Chan aron makig-dialogo sa mga awtoridad bahin sa kaso.
Giingon usab niya nga prayoridad kini sa DOJ, samtang gisiguro nga modaog ang gobyerno bisan pa sa posibilidad nga mo-aplay og asylum si Co.
Samtang, gipahibalo ni DOJ spokesperson Atty. Polo Martinez nga wala pa’y kasiguruhan kung makauban si Co sa ilang pagbalik sa Pilipinas.
