Giinsister sa Department of Justice (DOJ) nga walay epekto sa nagpadayon nga Senate impeachment trial ang kasong grave threats nga gisang-at batok kang Vice President Sara Duterte.
Sa usa ka interbyu, giklaro ni DOJ Spokesperson Atty. Polo Martinez nga lahi ang proseso sa criminal case ug impeachment proceedings.
Matod niya, ang impeachment trial responsibilidad sa lehislatura nga gipangulohan sa mga senator-judges, samtang ang criminal case anaa sa hurisdiksyon sa korte.
Kagahapon, pormal nga gisang-at sa DOJ sa Regional Trial Court sa Quezon City ang kasong grave threats batok kang VP Sara.
Kini adunay kalabotan sa mga hulga batok kang President Ferdinand “Bongbong” Marcos Jr., First Lady Liza Araneta-Marcos, ug kanhi House Speaker Martin Romualdez.
Gipasaka ang kaso kapin usa ka tuig human kini gi-refer sa National Bureau of Investigation (NBI) niadtong 2025.
Samtang, gibasura sa prosekusyon ang reklamo nga inciting to sedition tungod sa kakulang sa igong ebidensya.
