Gianunsyo sa South Korea nga mamahimo na nga mosumiter og online arrival cards ang mga foreign visitors hangtud sa tulo ka adlaw sa dili pa mosulod sa nasud.
Ang bag-ong lakang nagtumong sa pagpadali sa proseso sa imigrasyon ug pagdugang sa kasayon sa pagbisita sa mga langyaw.
Gawas niini, kinahanglan usab nga pun-an sa mga langyaw ang arrival card inig-abot nila sa mga tugpahanan sa South Korea, nga manu-manong gi-scan sa mga mmigration officer.
Kini nunot sa desisyon sa Ministry of Justice sa Republika sa Korea sa pagpatuman sa mga electronic arrival card aron mapadali ang proseso sa mga immigration desk ug makunhuran ang mga paglangan sa mga biyahero.
Bahin niini, ang online system mahimong mandatory alang sa tanan nga nagpabilin sa South Korea sulod sa 90 ka adlaw o ubos pa, apan ang papel ug electronic arrival card dawaton gihapon hangtod sa katapusan sa 2025 aron malikayan ang kalibog sa bag-ong sistema.
Ang e-arrival card mahimong ma-access ug isumite sa website niini nga http://www.e-arrivalcard.go.kr.
