Hugot nga gibalibaran ni Rovelyn Baterbonia, ang inahan sa namatay nga basketball player nga si Rene, ang pagpangayo og pasaylo sa head coach sa Ateneo de Manila University Blue Eagles nga si Tab Baldwin.
Sa iyang social media account, iyang giingon nga ang kamatayon sa iyang anak lapas na sa sakup sa pagpangayo og pasaylo.
Gusto lang niya ibutyag kung unsa gyud ang nahitabo.
Dili usab siya motuo nga ang nahitabo sa iyang anak usa ka aksidente ug kung aksidente man kini, wala dayon sila gihatagan sa angay nga update.
Giinsistir usab niya nga nag-post pa gani sila sa social media nga namatay ang ilang anak apan wala gani silay mga litrato nga ikapakita.
Kahinumduman nga giangkon ni Baldwin nga usa ka aksidente ang trahedya, diin iyang gikomparar ang nahitabo sa insidente ni Rene ug Divine Adili niadtong Lunes sa buntag sa kadagatan sa Aurora.
