Mopahigayon ang South Korea ug loudspeaker broadcasts ngadto sa North Korea, sumala sa National Security Council niini, human ang Pyongyang nagpadala na usab og mga balloon sa utlanan nga nagdala og basura.
Gipasidan-an sa South Korea nga mogamit sila og “dili maagwanta” nga mga lakang batok sa North Korea alang sa pagpadala sa maong mga balloon.
Nagsugod sa pagpadala og mga balloon nga nagdala og basura ug hugaw sa utlanan ang Pyongyang niadtong Mayo ug miingon nga ang maong lakang maoy pagbalos sa anti-North Korea nga mga leaflet nga gipadala sa mga aktibista gikan sa Habagatan isip kabahin sa kampanya sa propaganda.
Niadtong Hunyo 2, niingon kini nga temporaryong mohunong sa pagpadala og mga balloon tungod kay ang 15 ka toneladang basura nga gipadala niini igo na tingali nga makapaabot sa mensahe kon unsa ka salawayon ang anti-North leaflets.
Hinuon, nisaad kini nga magpadayon kung masubli ang mga leaflet gikan sa Habagatan pinaagi sa pagpadala og gatusan ka mga basura.
Gisibya sa South Korea gikan sa daghang mga loudspeaker nga gipatong sa dagkong mga racks nga adunay dungan nga mga balita sa kalibutan ug impormasyon bahin sa demokratiko ug kapitalistang katilingban nga adunay sagol nga sikat nga musika sa K-pop.
Gituohan nga ang tingog mibiyahe ug kapin sa 20 kilometros (12.4 milya) paingon sa North Korea.
Miingon ang militar sa South Korea nga ang silingan sa amihanan nagpalupad sa mga 330 ka balloon nga nagdala og basura sukad niadtong Sabado ug mga 80 niini ang nahagsa sa South.
