Gidili na sa Espanya ang mga bata nga ubos sa edad nga 16-anyos sa paggamit sa social media.
Matud ni Spanish Prime Minister Pedro Sánchez nga ang mga bata dili angay ma-expose sa mga lugar nga dili nila angay mahimutangan.
Gihimug-atan niini nga ang social media, mao ang lugar diin daghang pag-abuso, pornograpiya, manipulasyon ug kapintasan ang makita.
Sa iyang pakigpulong sa World Governments Summit sa Dubai, andam silang mopasar og balaod aron manubag ang mga ehekutibo sa social media sa kapakyasan sa pagtangtang sa ilegal ug makadaot nga mga contents.
Matod niya nga kini mahibal-an lamang pinaagi sa ilang paggamit sa bag-ong mga algorithm.
Gawas usab sa Spain, una na nga nipatuman ang Australia, France ug Denmark sa pagdili sa mga batan-on nga ubos sa edad nga 16 sa paggamit sa social media.
