Nagpahibalo ang gobyerno sa Espanya nga magpadala kini og humanitarian aid sa Cuba, nga karon nakasinati og grabe nga krisis sa ekonomiya ug kakulang sa mga kinahanglanon nga suplay tungod sa mga epekto sa gitawag nga de facto fuel blockade sa Estados Unidos.
Uban sa tabang sa United Nations, ang Espanya mohatag og pagkaon ug mga batakang produkto sa panglawas aron matabangan ang mga taga-Cuba nga nag-antos sa kakulang sa mga suplay ug serbisyo.
Ang pahibalo gihimo human ang Mexico nagpadala og kapin sa 800 ka tonelada nga tabang pangkatawhan sa Cuba nga bag-o lang miabot.
Nasayran usab nga ang krisis sa nasud gipalala sa mga pagdili sa administrasyon sa US nga nakaapekto sa suplay sa lana ug mga produkto sa petrolyo, lakip ang hulga sa taas nga taripa alang sa mga nasud nga naningkamot sa pagsuplay og gasolina sa Cuba.
Tungod niini, ang gobyerno sa Cuba nagpatuman og state of emergency, sama sa pagpugong sa pagbaligya sa gasolina ug pagpakunhod sa pampublikong transportasyon, samtang ang mga pagkawala sa kuryente ug kakulang sa pagkaon ug tambal nagpadayon sa nasud.
Samtang sa Madrid, ang Cuban Foreign Minister mipaambit sa tinguha nga mapalig-on ang diyalogo sa politika, ekonomiya, ug kooperasyon tali sa Espanya ug Cuba.
