Mibuto atol sa ikawalong test flight ang 400-foot tall nga Starship megarocket nga gilusad sa American astronautics company nga SpaceX niadtong Huwebes sa gabii, Marso 6.
Kini maoy hinungdan sa pagkalangay sa air traffic sa Florida, USA human gimandoan ang mga tugpahanan nga temporaryong ipa-grounded ang tanang eroplano sa Florida tungod sa mga debris nga nangahulog gikan sa mibuto nga rocket human sa insidente.
Ang mga flight sa Fort Lauderdale-Hollywood International Airport, Miami International Airport, Palm Beach, ug Orlando Airport ang pipila sa mga naapektuhan.
Taliwala sa pagbuto, ang Federal Aviation Administration (FAA) nag-isyu dayon og Debris Response Area, nga nagpahunong sa mga eroplano sa pagsulod sa mga restricted areas diin nahulog ang mga debris sa space vehicle gikan sa rocket.
Sa usa ka update gikan sa ahensya kay bag-ohay lang kining mpabalik sa normal nga operasyon sa ga tugpahanan.
Ang Starship adunay importante nga papel sa National Aeronautics and Space Administration (NASA) tungod kay gipili kini nga third-party transporter nga magdala sa mga astronaut sa kataposang bahin sa ilang byahe paingon sa buwan (moon) nga gitawag og Artemis III, nga giplanohan nga himuon sa 2026.
