CEBU CITY — Dili pa ilibkas ang state of calamity sa probinsya sa Sugbo human sa nasinating grabe nga huwaw bisan pa man sa mga pagpang-uwan sa nakalabay nga mga adlaw.
Matud ni Jules Regner, ang public information officer sa Cebu Provincial Disaster Risk Reduction Management Office (PDRRMO), sutaon pa una ang kalambuan sa kahimtang sa panahon sanglit dili pa man kini consistent.
Base sa pahibalo sa PAGASA Mactan, molanat pa ang El Niño hangtud na sa buwan sa Agosto bisan pa man nga opisyal nang gisugdan ang ting-uwan.
Dugang pa ni Regner nga inig human sa El Niño, lauman na usab sa probinsya ang kanunay nga pagpang-uwan dala sa La Niña.
Nakalatid na daan sa plano sa PDRRMO ang epekto sa La Niña alang sa mga mag-uuma sa lalawigan.
Apan bisan pa man sa hulga sa epekto sa duha ka mga phenomenon, namonitor sa PDRRMO nga nagpundo og tubig ang mga mag-uuma kinsang nahatagan og mga gamit gikan sa Provincial Board.
Samtang gibantayan usab sa mga residente sa probinsya sa Sugbo ang mga landslide prone areas subay na sa pagsulod sa panahon sa ting-uwan.
Matud pa usab ni Regner nga kabalo na ang apektadong local government units sa mosunod pang mga lakang.
Dugang pa ni Regner nga ang mga sakop sa assessment team na mismo ang mo-handle sa area alang sa pagbakwit sa mga apektadong residente.
