CEBU CITY-Mo-mugna og kadaot kung ugaling walay himuon nga aksyon ang siyudad sa Mandaue.
Nagkanayon ang Chairman sa Disarter Risk of Sto. Niño Village nga si Ed Latonio, kabahin sa unsa ka dako ang kadaot nga matagamtaman kung ugaling walay pagabuhaton nga aksyon ang siyudad sa Mandaue.
Kini girepresentar pinaagi sa pagtambong sa konseho, diin ilahang gipadangat ang maong kabalaka isip sa umaabot nga kalamidad hilabi na nga mosulod ang Low Pressure Area nga posible nga mahimong bagyo.
Kahinumduman nga gitabang pagrescue ang mga residente sa Sto. Nino Village sa barangay Banilad human nisaka ang tubig, subay sa pagbunok sa uwan niadtong Setyembre 13.
Mipadayag si Latonio nga dili na niini paabuton nga mo-abot ang dakong kadaot nga adunay makalas nga kinabuhi og diha pa mo-aksyon.
Usa sa tumbok niini nga nakahatag og dakong tampo sa kadaot ang duol nga fishpond sa luyo nga bahin sa village.
Sa laing bahin, adunay recommendasyon nga nag-gikan sa task force batok sa baha ug siyudad sa Mandaue nga usa ka cease and desist order sa fishpond nga dili na ipadayun ang operasyon ug pag-okopar gumikan kini illegal.
Nanghinaot usab kini nga mohatag og notice of suspension aron nga hatagan og hinanali nga aksyon ang maong lugar aron malikayan nga mahimong dako nga problema.
