-- ADVERTISEMENT --
CEBU – Giplanohan nga himuon na nga kada gabie ang night market sa may dalan Colon.
Kini ang gibutyag ni Maria Pino, chairman sa Garbo Asenso Sumbanan Alyansa (GASA) sa Cebu City sa higayon nga kini mobalik og abli karong buwan sa Nobyembre.
Kahinumdoman nga gisugdan ang night market niadtong buwan sa Setyembre sa matag Biyernes, Sabado ug Dominggo apan niadtong Oktubre 2 temporaryo kining gihunong.
Sa pagbalik niini plano sa pipila ka opisyal nga himuon kini nga kada gabie hangtod na sa Disyembre 30, 2022.
Ang Night Market magsugod alas 6 sa gabii hangtod alas 2 sa kadalawon diin sirado ang Colon street gikan sa eskina Osmeña Boulevard ug Mabini street apan abli ang mga karsada nga nagtadlas niini aron makaagi gihapon ang mga sakyanan.
-- ADVERTISEMENT --
