Walay klase ug trabaho sa mga pampublikong opisina ug sa pipila ka pribadong kompanya sa tibuok lalawigan sa Sugbo karong Huwebes, Agosto 6, 2026.
Kini aron sa pagsaulog sa ika-457 nga Founding Anniversary sa Lalawigan sa Sugbo, nga gideklarar nga usa ka special non-working holiday.
Sa maong mando, ang maong deklarasyon epektibo alang sa tibuok probinsya, lakip na ang mga dakbayan sa Sugbo, Mandaue, ug Lapu-Lapu, ingon man ang mga highly urbanized ug component cities sama sa Danao ug Toledo, subay sa Republic Act (RA) 8952, nga giamendar sa RA 7698.
Gipasabot usab nga tungod kay kini usa ka special non-working day, gipatuman ang pamaagi nga “no work, no pay” gawas na lang kon ang usa ka kompanya adunay lahi nga polisiya o kasabutan bahin niini.
Samtang sa Regular Workday, ang mga empleyado nga motrabaho sa maong adlaw makadawat og dugang 30 porsyento sa ilang batakang suweldo sa unang walo ka oras, ug kon adunay overtime, makadawat og dugang 30 porsyento sa ilang hourly rate.
Pormal nga gilusad sa Kagamhanan sa Probinsya sa Sugbo ang ilang usa ka buwan nga pagsaulog sa ika-457 nga adlawng natawhan sa probinsya niadtong Agosto 3, 2026.
