Giaprobahan na sa House Committee on Agriculture and Food ang gisugyot sa pag-amendar sa Rice Tariffication Law o kon RTL.
Sa committee hearing nga gipangulohan ni Quezon Rep. Mark Enverga, nga nagmosyon ni Abono PartyList Rep. Robert Raymund Estrella nga ipasar ang “substitute bill” sa proposal ug “subject to style.”
Matod ni Estrella, dili na makahulat ang katawhan nga adunay igo ug barato nga mga palaliton ilabi na ang produkto sa bugas.
Hinungdan nga walay pagsupak sa mosyon ni Estrella, ug naaprobahan dayon ang substitute bill sa RTL amendments.
Lakip sa giduso sa sugyot mao ang pagpabalik sa National Food Authority sa mandato sa pagpalit ug pagbaligya sa barato nga bugas sa kamerkadohan.
Dugang pa ni Enverga nga ang sugyot alang sa “tax provisions” diretso na sa House Committee on Ways and Means, ug gilauman nga mapasar sa dali nga panahon.
