Mapasalamaton si Engineer Jude Noel P. Jarina sa iyahang tunghaan, Cebu Institute of Technology-University (CIT-U) tungod sa kadako sa papel niini nga natampo sa iyahang kalampusan, subay sa pagkahimutang niya sa rank 4 sa April 2026 Registered Electrical Engineers Licensure Examination.
Matod ni Jarina, sa ilahang unibersidad, partikular na sa Electrical Engineering Department, nitanyag kini og nindut nga trainings alang sa mga magtutungha, bubintaha usab kay naka-focus usab kini sa mga “quizzer” nga mga estudyante nga nagasalmotan og quiz bowls, ug ang pagtudlo niini adunay consistency.
Dugang ni Jarina, ang pagsalmot sa quiz bowls giila niya nga usa ka pundasyon ilabi na kung padung na ang pag-review kay makonsidera nga dalib ug sayon nalang ang mga quizzes.
Ingun man nga mas maka-focus na ngadto sa mga major subjects nga wala nahimamat kaniadto.
Si Jarina, kinsa nigradwar nga adunay flying colors—Summa Cum Laude, gisaysay niini nga “goal” na niya sukad-sukad ang malakip sa top notcher sa naasoyng exam.
Kini usab naggumikan sa ubay-ubay nga na-produce sa CIT-U nga mga top notchers sukad pa niadtong 2024, ug ingun man ang kahanas ug kamaayo sa mga nagtudlo kanila, hinugdan nga napanglatawan niini nga kaya ra usab niya nga ma-top susama usab sa uban busa naningkamot kini nga makasulod sa top 10.
Hinuon, giklaro ni Jarina nga wala usab siya kinatibuk-ang nisunod sa ubang notchers kung hisgutanan sa study habits, diin siya, kasagaran magtanyag lang siya og 5 hangtud 8 ka oras nga pagtuon.
Samtang gitino usab niya nga dako usab kaayo og natabang ang iyahang classmates nga giilang “King of Engineers” nga si Charles Anthony Santillan, kinsa niggama og usa ka application nga adunay mga features nga nakatabang niya sa iyahang pagtuon o samtang nag review.
Si Santillan, kinsa Summa Cum Laude usab, ni-develop og usa ka app nga makatabang sa ilahang pagtuon, gumikan kay aduna kini mga faetures nga wala sa ubang applications.
Apan gawas niana, mapasalamaton usab si Jarina sad duha ka top notchers sa August Electrical Engineers Licensure Examination nga sila si Gil Francis Maglinte ug si Andrew Adlawon.
Diin, si Maglinte ug Adlawon, ni-share sa ilahang tagsa-tagsa ka materials kang Jarina, diin iyahang gihimug-atan nga dako kaayo kini og natabang kaniya, ug sa iyahang naabot karon.
Subay niini, gawas kang Santillan, ni Maglinte ug Adlawon, mapasalamaton usab siya sa suporta sa iyahang pamilya— sa iyahang amahan, igsuon, step-mother, tita, ug ingun man sa iyahang girlfriend, kinsa mao ang usa sa nahimong yawe sa kung unsa ang iyahang naabot sa kasamtangan.
