Giimbestigaran sa Cebu City Fire Station ang hinungdan sa nahitabong sunog sa buhatan sa Land Transportation Franchising and Regulatory Board (LTFRB)-7 sa North Reclamation Area, dakbayan sa Sugbo.
Miulbo ang kalayo gikan sa ikaduhang andana sa maong buhatan ug giisa kini sa kabumberuhan ngadto sa second alarm.
Nadawat sa mga kabumberuhan ang alarma pasado alas-12 sa tungang gabii ug na-fire out kini dayon sa oras nga 1:16 kaganihang kaadlawon.
Matud ni Senior Fire Officer 3 Hermes Molina sa Cebu City Fire Station nga posibleng adunay faulty electrical wiring hinungdan nga miulbo ang ka’yo sa buhatan.
Gibana-banang mikantidad og 150,000 pesos ang danyos sa maong sunog.
Miigo ang sunog sa buhatan sa Land Transportation Franchising and Regulatory Board (LTFRB)-7 sa may North Reclamation Area, dakbayan sa Sugbo.
