Miabot sa ikatulong alarma ang miulbong sunog sa Barangay Labogon, dakbayan sa Mandaue ug hingpit kini na-kontrolar pasado alas 7 gabii.
Diin dali kining girespondihan sa mga sakop sa kabomberohan sa Looc Fire, Canduman Fire, ug BFP Mandaue City.
Ingon man nga dali usab nga mihatag og gikinahanglang serbisyong medikal ang Mandaue City Health Office sa mga apektadong residente.
Nagbutang og temporaryong medical assistance stations aron matubag ang diha-diha nga panginahanglan sa panglawas sa komunidad.
Nagkahiusa usab ang mga kawani sa City Social Welfare and Services (CSWS) sa pagpamutos sa mga sinina, toothpaste, shampoo ug uban pang pangunang panginahanglanon alang sa mga pamilyang naapektuhan sa sunog.
Kini nga paningkamot nagpakita sa diwa sa pagtinabangay, pagpakabana, ug matinud-anong serbisyo sa mga Mandauehanong nag-atubang karon og kalisod.
