Opisyal nga nangayo og pasaylo ang lider sa Hong Kong nga si John Lee kabahin sa usa ka dakong sunog nga nahitabo sa usa ka bilding sa Tai Po usa ka tuig ang milabay.
Atol sa usa ka press conference, ang lider nagpagawas usab og mga report bahin sa upat ka departamento sa gobyerno nga responsable sa insidente, human sa wala matubag nga mga safety complaints.
Ang mga lakang sa reporma nga gibutyag ni Lee naglakip sa pagpalig-on sa mga sumbanan sa kaluwasan ug regulasyon sulod sa building industry, nga nagpunting sa sistematikong pagdumala sa mga kondisyon sa bilding.
Kahinumduman nga ang usa ka sunog—nga mikaylap pinaagi sa dust netting ug scaffolding—misunog sa usa ka bilding nga giayo sa distrito sa Tai Po, nga nakaapekto sa usa ka residential complex nga gilangkoban sa pito ka 31-ka-andana nga mga tore sa Wang Fuk Court. Ang insidente mikalas og halos 168 ka kinabuhi.
Ang lider sa Hong Kong nagpadayag og dakong pagbasol sa sunog nga nahitabo usa ka tuig ang milabay ug nangayo og pasaylo sa tanang apektadong residente ug sa publiko.
Gipahibalo usab ni Lee ang pag-resign sa Hong Kong Housing Secretary nga si Winnie Ho.
Ang gobyerno sa Hong Kong nagtudlo og usa ka independente nga grupo aron imbestigahan kung kinsa nga mga opisyal ang angay nga manubag ug aron mahibal-an ang angay nga mga disciplinary action batok kanila.
Kini nga insidente giisip nga labing makamatay sa kasaysayan sa Hong Kong sukad niadtong 1948. Liboan ka mga residente ang nawad-an og mga balay human ang ilang mga apartment nahimong dili na mapuy-an tungod sa sunog.
