-- ADVERTISEMENT --
Wala matandog si Department of National Defense (DND) Secretary Gilbert “Gibo” Teodoro Jr. sa mga silot nga gipahamtang kaniya sa China.
Lakip sa gipahamtangan og silot sa Chinese Foreign Ministry ang asawa ug anak nga lalaki sa Kalihim.
Gidid-an silang tanan sa pagsulod sa mainland China, Hong Kong, ug Macau.
Sumala ni Teodoro, gisilotan lang siya tungod sa pagsulti sa tinuod.
Gidugang niya nga dili kini makapugong kaniya, ug masiguro nga magpadayon siya sa pagbuhat sa iyang katungdanan alang sa nasod.
-- ADVERTISEMENT --
Kahinumduman nga sa miaging bulan didto sa usa ka defense summit sa Singapore, gisaway ni Teodoro ang mga ilegal nga kalihokan sa China sa mga teritoryo sa West Philippine Sea.
