Opisyal nang engaged ang aktres nga si Cristine Reyes kang Gio Tingson.
Sa mga gipang-share sa aktres nga mga hulagway niini kauban si Gio, diin mapasigarbuhong nagpakita sa iyang engagement ring atol sa ilang romantic trip sa Hong Kong.
Mipabuhagay usab ang mga pagtimbaya gikan sa mga fans ug mga kaubanan sa industriya ug napuno sa “sana all! nahanap na ang the one.”
Si Gio nagsilbi nga chairperson sa National Youth Commission gikan sa 2014 hangtod 2016. Nagtrabaho usab siya isip Chief Political Officer ni Senador Bam Aquino gikan sa 2016 hangtod 2018, ug ang Chairperson sa Akbayan Citizen’s Action Party gikan sa 2018 hangtod 2022.
Samtang, si Cristine naminyo kaniadto sa propesyonal nga MMA fighter nga si Ali Khatibi niadtong 2016. Sila adunay usa ka anak nga babaye, si Amarah, nga natawo niadtong 2015.
Niadtong Pebrero 2024, gikumpirmar ni Cristine nga siya gi-annul na kang Ali sulod sa kapin usa ka tuig na, ug gihungihong nga nag-uyab sila ni Tingson niadtong 2025.
