CEBU CITY — Gibana-banang mokabat ngadto sa P4.5-million ang danyos sa nahitabong sunog kagabii sa Ganciang St., Brgy. Basak San Nicolas, dakbayan sa Sugbo.
Matud sa imbestigador nga si Fire Officer 2 Fulbert Navarro nga nagsugod ang sunog sa 2nd floor sa balay nga gipanag-iya ni Arnold Yap diin usa kini ka stockroom.
Niresponde ang kabumberuhan sa Cebu City Fire Department sa dihang giisa kini sa first alarm sa takna nga alas-7:15 sa gabii ug napawong kini human sa halos 25 minutos.
Matud sa tag-iya nga si Yap nag posibleng upos sa sigarilyo mao ang hinungdan kung nganong naugdaw ang dili moubos sa tulo ka mga panimalay.
Kini gumikan kay iyang gibadlungan ang Amerikanong nagpuyo tapad sa maong balay nga dili magpataka og labay sa upos sa sigarilyo.
Giimbestigaran na karon sa kabumberuhan ang tinuod nga hinungdan sa maong sunog.// Hinuon walay namatay o naangol human sa maong insidente.
