CEBU CITY-Pormal nang gi-ablihan og in-operation na ang Super Family Health Center sa Barangay Apas dakbayan sa Sugbo kagahapong adlawa, Lunes Hulyo 1, 2024.
Gipanguluhan ang seremonyas sa pag-abli sa maong health center sa amihanang distrito sa dakbayan ni Cebu City Acting Mayor Raymond Alvin Garcia nga giubanan ni Department of Health Regional Director Jaime Bernadas ug pipila ka kawani sa DOH Central Visayas ug Cebu City Government.
Gipadayag usab sa Acting Mayor ang pasalamat niini sa usa ka pribadong tambalanan sa dakbayan kinsa midonar ug pipila ka mga medical nga mga ekipo aron magamit sa publiko sa maong pampublikong health center.
Kini maoy pinakaunang Super Health Center sa tibuok Central Visayas nga operational na matod pa ni DOH-7 Regional Diractor Bernadas nga gigahinan ug pundo sa balor nga 14.9-milyones pesos.
Dugang pa ni Acting Mayor Garcia, nga sukad siya mulingkod sa katungdanan isip hepe ehekutibo sa dakbayan kay gilantaw na niini magmalampuson ang kahimtang sa pampublikong panglawas sa mga residente sa dakbayan.
