PROVINCE OF BOHOL-
Giplano karun ni Bohol Governor Aristotle Aris Aumentado nga ilibot sa lalawigan sa Bohol ang kapistahan sa Sandugo sa umaabot Hulyo, susama nga sundogon nila ang inila nga Suroy-Suroy Sugbo sa Sugbo nga gipasiugda ni Cebu Provincial Governor Gwen Garcia.
Una nang namahayag si Bohol Governor Aristotle Aris Aumentado nga nalingaw siya sa Suroy-Suroy Sugbo ug mo-organisar siya og susamang mga kalihukan sa iyang kaugalingong probinsiya.
Sukwahi sa nangaging katuigan, diin ang Sandugo Festival eksklusibong gipahigayon sa Tagbilaran City, ang makasaysayanong kalihokan karong tuiga motadlas sa probinsiya tupad sa Suroy-Suroy sa Bohol aron mas makat-on ang katawhan kon unsa gyud ang Sandugo.
Ang tuyo ug tumong sa maong kalihukan harun nga mas masabtan sa mga Boholano didto sa ubang lungsod nga wala kasabot kon unsa ang Sandugo ila kining ipasabot pinaagi pag-demonstrate niini.
Kahinumduman nga ang festival gisaulig sa ika-16 nga siglo nga kasabutan sa kalinaw pinaagi sa blood compact o “sandugo” tali sa Bohol chieftain nga si Datu Sikatuna ug Spanish conquistador Miguel López de Legazpi niadtong Marso 16, 1565.
