CEBU – Suspek sa pagdunggab sa usa ka radio anchorman sa Barangay Himucdongon, lungsod sa Mabinay sa Negros Oriental nitahan niadtong Domingo, Septiyembre 18, 2022.
Kung diin ang suspek nga si Charles Amada, 48 anyos, mag-uuma, ug residente sa nahisgutang barangay, nitahan ngadto sa barangay kapitan sa Himucdongon nga si Josephine Amada, kinsa asawa sa igsuon sa suspek.
Matod ni Police Brigadier General Roque Eduardo Vega sa iyang press statement gahapong adlawa Lunes, Setyembre 19, 2022, nga ni-surrender ang suspek human niya gidunggab si Renato Blanco gamit ang 10-pulgada nga kutsilyo.
Human ni-surrender kang Barangay Kapitan Josephine, gi-turnover sa kapulisan ang suspek, kung diin anaa kaniya ang 10 ka pulgada nga kutsilyo nga giingong gigamit sa paghimo sa krimen.
Kasamtangang nagpailalom na karun si Charles, sa usa ka inquest proceeding alang sa iyang salaod sa pagpatay, ug gitanggong sa Mabinay Police Station.
