Gihulagway sa mga imbestigador nga ang suspek sa pagpamusil sa mga bata sa Minneapolis samtang nag-ampo sa Annunciation catholic church nga ‘obsessed’ sa ideya sa pagpatay sa mga bata.
Matod sa hepe sa Minneapolis Police nga si Brian O’Hara, ang suspek nga si Robin Westman, 23-anyos, mipatay sa duha ka bata samtang 18 ang naangol, apan giingon nga ang shooter walay motibo sa krimen.
Ug nigawas sa imbistigasyon nga daw nasuko ang suspek sa tanan ug hagit kaniya nga mopatay og mga bata.
Gikumpirmar sa ilang pamilya ang pagkatawo sa mga biktima nga sila si Fletcher Merkel, 8 anyos ug Harper Moyski, 10-anyos.
Basi sa mga detalye nga gipagawas sa mga opisyal kalabot sa background sa suspek, nagtungha sa Westman sa tunghaan sa simbahan ug didto usab nagtrabaho ang iyang inahan.
Sa usa ka press conference, si US Attorney General for Minnesota Joseph Thompson niingon nga ang suspek nipadayag og kasuko ngadto sa daghang grupo lakip na ang Jewish community ug US President Donald Trump.
Kini ang nalatid sa mga nota nga gibilin sa suspek kinsa namatay usab human sa pagpusil sa kaugalingon.
Sumala sa Federal Bureau of Investigation Director Kash Patel, ang suspek nagbilin ug daghang anti-Catholic ug anti-religious references nga gisulat kasagaran sa Russian Cyrillic alphabet sa mga pusil ug mga nota nga nadiskobrehan sa mga imbestigador. Gihubit usab niya ang pag-atake ingon usa ka buhat sa lokal nga terorismo nga gipukaw sa pagdumot.
