CEBU CITY-Gipalaw ni Suspended Cebu City Mayor Michael Rama ang suhestiyon ni Cebu City Acting Mayor Garcia.
Nga matod pa niya, “Ayaw siya patuga-tugaha” diin mao kini ang gibuhiang pulong sa suspendidong mayor kang Acting Mayor Garcia sa suhestiyon niini sa pagpangandam alang sa Sinulog 2025.
Kini nga pamahayag nahitabo atol sa press conference sa suspendidong mayor karong Lunes sa buntag, Septiyembre 2, 2024 sa City Sports Club.
Diin gitataw niini nga ang tanan lihok pagabuhatan gikan sa preparasyon hangtud sa adlaw nga kasaulogan sa Sinulog kay maglangkob sa responsibilidad sa Sinulog Foundation Inc. kinsa si Rama ang Chairman sa Executive Committee.
Subay kini sa proposal sa Acting Mayor sa dakbayan nga ibalik ang Sinulog sa naandang venue sa Cebu City Sports Center (CCSC) nga kanhi Abellana Sports Complex.
Apan, gihatagan og gibug-aton ni Rama nga ang CCSC dili na igong venue sa pag-accommodate sa daghang mga tumatan-aw.
