Mihimo og bag-ong world record ang Swedish pole vaulter nga si Armand Duplantis nga adunay winning height nga 6.27 meters sa All Star Perche event sa Clermont-Ferrand, France nga nagtimaan sa ika-11 nga higayon nga iyang nabuak ang world pole vault record.
Sa silver meeting sa World Athletics Indoor Tour, gisugdan ni Duplantis ang iyang kompetisyon sa 5.65m.
Ang 25-anyos kay yano lang nga gilayat ang 5.91m ug 6.02m sa iyang unang pagsuway.
Human sa pag-clear sa 6.07m aron makuha ang kadaugan, iyang gipataas ang bar ngadto sa 6.27m ug gibuntog ang maong gitas-on sa iyang unang pagsuway, nga nagpauswag sa iyang kanhing record nga natala sa Diamond League meeting sa Silesia, Poland niadtong Agosto sa usa ka sentimetro.
Kini usab ang ikaduhang higayon nga gibuak ni Duplantis ang world record sa Clermont-Ferrand kay nakab-ot niya ang 6.22m sa French City duha ka tuig ang milabay aron sa pagsaulog sa iyang ikaunom nga world record.
