Pagasugdan na karong adlawa sa Lunes, Agosto 4 ang opisyal nga pag-abli sa Tabo sa Kapitolyo 2025 isip kabahin sa kalihokan sa Kagamhanang Lalawigan sa Sugbo sa iyang ika-465 nga Founding Anniversary Celebration.
Gikatakdang mulanat hangtod sa adlawng Biyernes, Agosto 8 nga ipahigayon sa Cebu Capitol Grounds sa Capitol Compound, Cebu City diin i-presenter sa matag lungsod ug dakbayan sa lalawigan ang ilang mga gikapasigarbong produkto talagsaon sa Sugbo.
Dili lamang mga lokal nga produkto ang ipasundayag apan lakip na ang obra sa kultura tungod kay ang matag partisipanteng lungsod o dakbayan kay adunay stalls nga gidesinyong nahiangay sa ilang kasaysayan ug community spirit.
Gani gipangandaman kini sukad pa sa mga nakalabayng semana ang maong Tabo sa Kapitolyo gikan sa mga representantes sa mga pundok sa mga mag-uuma, artisans, youth organizations, ug mga local government offices sa pagtapok sa 456 nga katuigan sa kasaysayan sa Sugbo.
Nag-promote ang Tabo sa Kapitolyo sa mga local enterprise sa lalawigan ug cultural pride niini diin ang maanyag nga kaugmaon nga way pagtalikod sa mga nakalabayng katuigan ug dekada kay possible.
