Gitawag sa Taiwan ang China nga hypocritical ug usa ka tinuod nga hulga sa seguridad human sa usa ka pahayag sa labing taas nga diplomat sa Beijing sa Munich Security Conference.
Kini ang tubag ni Taiwan Foreign Minister Lin Chia-lung sa pakigpulong ni Chinese Foreign Minister Wang Yi, diin ang ulahi nag-akusar sa ubang mga nasud nga naningkamot sa pagbulag sa Taiwan gikan sa China.
Hugot nga gihimakak ni Lin ang pahayag ni Wang nga ang Beijing nagmintinar sa kalinaw ubos sa mga prinsipyo sa U.N. Charter.
Gidugang sa opisyal nga ang mga aksyon sa China nagpakita sa usa ka hegemonic nga panghunahuna nga dili uyon sa ilang mga pulong.
Giinsistir usab sa Taiwan nga basi sa kasaysayan ug internasyonal nga balaod, ang soberanya sa isla wala pa gayud mailalom sa People’s Republic of China.
Sama sa nahinumduman, ang militar sa China nagpahigayon og mga mass war games duol sa Taiwan niadtong Disyembre, samtang ang ilang mga pwersa nagpadayon sa adlaw-adlaw nga operasyon sa palibot sa isla.////
