TALISAY CITY, CEBU-Hingpit nang mahuman ang konstruksyon sa Talisay City Central School Track Oval matod pa sa pahibalo ni Talisay City Mayor Gerald Anthony “Samsam” Gullas.
Kini human nga natapos na ang asphalting phase sa track oval og sugdan na ang pagbutang sa rubber niini.
Matod pa ni Mayor Gullas nga anaa nalang sa usa o duha ka buwan ang nahabiling timetable aron matapos kini nga magdepende nalang sa dagan sa panahon ang nagpadayong konstruksyon.
Una nang mipadayag ang opisyal ang kahinamhinam sa mga Talisaynon nga adunay kaugalingong track oval ug football field para sa mga hilig sa natad sa paugnat sa kusog.
Hinaot niini nga sa unang quarter sa tuig 2025 kay mapahimuslan na sa mga lungsuranon sa dakbayan ang bag-ong pasilidad nila nga nahimutang sa Talisay City Central School nga gi-groundbreaking ang maong proyekto niadtong Abril 5, 2024.
