CEBU CITY – Nipasar ang konseho sa dakbayan sa Sugbo og ordinansa nga magtukod og internet access points sa mga kabaranggayan sa syudad.
Kining ordinansa kay gi-author ni Cebu City Councilor Eduardo (Edu) Rama, Jr diin pondohan sa syudad ang internet access points.
Sapagkakaron, anaa na sa 20 ka internet access points sa nagkadaiyang barangay ang natukod sa syudad diin makita kini sa Basak San Nicolas, Calamba, Cogon Pardo, Duljo Fatima, Inayawan, Mambaling, Pasil, Punta Princessa, San Nicolas Proper, Sawang Calero, Sinsin, Suba, Sudlon II, ug Tisa.
Diin, tumong karon sa ordinansa nga tanang barangay sa syudad kay mahatagan og internet connection.
Sa wala pa usab sa pagpasar sa maong ordinansa kay adunay 20 ka barangay ang nahatagan og internet access points sa programa nga gipangunahan ni Rama kauban ang mga telco companies.
Ipaagi kini sa pagpapondo sa city government Management Information and Computer Services (MICS) Department ang maong program.
Diin mahimutang duol sa mga barangay hall ang matag usa ka internet access point per barangay nga pagadumalahan sa kapitan./ EKP
