CEBU – Gitugyan ni Cebu City Mayor Edgardo Labella sa mga hingtungdang ahensiya ang paggukod sa mga malapason nga jeepney drivers ning panahon nga gitugotan na sa Mayor ang pagbalik sa tanang mga ruta sa PUJs sa syudad.
Segon pa sa Mayor nga iya nang gitugyan sa Cebu City Transportation Office (CCTO) ang mag-overloading lakip na ang malapason sa mga health protocols batok sa COVID-19.
Kahinumduman nga niluwat ug Executive Order No. 131 kagahapon si Mayor Labella nga nagtugot sa mga tradisyunal nga dyip nga makabiyahe na sa ilang tagsa-tagsa ka mga ruta sa dakbayan. Una nang naapektuhan ang pagpabalik sa mga PUJs sa dakbayan gumikan sa hulga sa COVID-19.
Niadtong higayon usab nga gitugutan ang pagbalik sa pamasada, pipila lang ka mga drivers ang nakapasar sa test kabahin sa health protocols batok sa COVID-19.
Subay niini dako ang pasalamat ni Cebu City Councilor James Cuenco sa maong kalambuan sanglit isip Chairman sa Cebu City Jeepney Taskforce, gihimug-atan ni Cuenco nga dugay na niining gihangyo si Mayor Labella nga ablihan na sa syudad ang mga ruta alang sa traditional jeepney.
