CEBU CITY-“Pagregulate” ang nakitang solusyon ni Jun ALcover kinsang gitahasan ni Cebu City Mayor Edgar Labella nga makigcoordinate sa mga habal-habal drivers.
Kini subay na sa pagsaka sa ihap sa habal-habal ug ang pag-abusar niini sa plitehan. Matud ni Alcover nga nagkadaghan ang habal-habal nga walay rehistro ug walay na regulate hinungdan nga makapatuyang sila og pangayo og mahal nga plitehan gumikan kay walay gihimo ang gobyerno.
Apan niining gipagawas matud pa nga executive order ni Mayor Edgar Labella, makakontrolar kini sa operasyon sa habal-habal.Angayan lamang nga murehistro ang tanang driver og habal-habal sa city hall alang sa usa ka kooperatiba kung diin mamahimong insured ang driver ug ang pasahero niini.
Giklaro usab ni Alcover nga tanang habal-habal lakip na ang Angkas ang angayan nga muparehistro aron nga masayran ang matag papel niini isip usa ka motorcycle driver.
Gitataw ni Alcover nga lakip ang Angkas niini sanglit gi-negosyo raman kini gamit ang “app” apan mu-expire karong buwan sa Marso.
Taripa ug 6 Traffic Zone
“Taripa ug 6 ka traffic zone” ang mamahimong mahitabo kung ma-regulate ang habal-habal sa dakbayan sa Sugbo.
Pinaagi matud pa sa kooperatiba bahinon og unom ka traffic zone ang Cebu ug didto ipang-assign ang mga habal-habal drivers depende sa ilang area nga gipuy-an.
Gitataw ni Alcover nga duna matud pa kini color coding sanglit dili pwede nga mulapas sa ilang sa traffic zone sa pagpamasahero.
Magsabotay na usab unya og taripa alang sa plitehan aron nga dili pahimuslan sa driver ang mga pasahero.
Aprobahan ang naasoy nga taripa sa Cebu City Hall.
