Nagkatubag sila si Senador Robin Padilla ug si Philippine Coast Guard (PCG) spokesperson for the West Philippines Sea Rear Admiral Jay Tarriela niadtong Biyernes, Hulyo 17, human sa pagpagawas sa usa ka AI-generated video sa state-backed media outlet nga China Daily nga naghulagway sa mga Pilipino isip mga unggoy.
Una nang gihagit ni Tarriela si Padilla uban ni Senador Alan Peter Cayetano nga idemand ang China nga mohatag og public apology sa mga Pilipino, susama sa miaging pagkondena kaniya ug pag-demand og pasaylo sa paggamit og caricature ni Chinese President Xi Jinping.
Sa usa ka post sa Facebook, mitubag si Padilla pinaagi sa pagbasol kang Tarriela sa giingong pagsugod sa kagubot ug pag-imbento og wartime propaganda.
Mahitungod sa Chinese media, nangutana si Padilla, dili ba kitang tanan parehas nga mga unggoy nga adunay lain-laing kolor, ang mga Pilipino kay brown, samtang ang mga Intsik ug Hapon kay yellow?
Miingon siya nga ang koneksyon tali sa atong mga races dili ikalimod ug miingon nga ang pagpaubos ni Tarriela usa ka pagbiya sa Asian ug Austronesian heritage.
Bisan pa, gilimod kini ni Tarriela sa iyang X account, ug giklaro sa opisyal nga ang ilang inisyatibo sa transparency dili propaganda sa panahon sa gubat kondili usa ka paagi aron ibutyag ang agresyon ug pagpanghasi sa China, labi na batok sa mga Pilipinong mangingisda ug mga barko sa Philippine Coast Guard ug Bureau of Fisheries and Aquatic Resources (BFAR).
“We do not create the incidents; we only document them,” matod ni Tarriela.
Matod sa opisyal, usa ka insulto sa kapin 26 milyon nga mga Pilipino nga mibotar kang Padilla ang pagdawat nga ang mga katawhan susama sa mga unggoy.
“Hindi po ito sa paningin ng mga white supremacist, kundi sa perspektibo mismo ng Chinese government — sila po ang gumawa at nagpakalat ng video na iyan,” dugang pa ni Tarriela.
“Ako po, bilang Pilipino, ay hindi kailanman tatanggapin na unggoy ang aking lahi — at hindi ko rin matatanggap na unggoy ang mga susunod pang salinlahi ng ating bansa.”
Sa katapusan, si Tarriela miinsistir nga ang “tunay na paggalang sa ating lahi ay ang ipagtanggol ito — hindi ang tanggapin ang pang-iinsulto!”
“HINDI PO MGA UNGGOY ANG PILIPINO!,” pagtapos ni Tarriela ang iyang post sa X.
