Naningkamot ang Task force gubat sa baha, sa pagpanglimpyo ug pag-panghawan sa mga kasapaan ug kanal nga anaa nahimutang sa dakbayan sa Sugbo.
Kini nunot sa nasuta nga monitoring sa Philippine Atmospheric, Geophysical and Astronomical Services Administration, nga adunay posibleng- duha ka mga Low-Pressure Area nga mo sulod sa nasud nga direkta nga mo-igo sa kabisay-an, partikular na sa Sugbo, karong buwan sa Mayo.
Gipanghakut usab ug gilimpyohan ang mga kasapaan sa dakbayan sa Subo, hilabi na sa Estero de Parian, C Padilla ug lain pang mga lugar.
Kahinumdoman, nga grabe ang nasinati nga pagbaha sa mga nakalabayng mga adlaw particular na sa dakbayan sa Sugbo.
Gibutyag ni Cebu City Councilor Jerry Guardo, nga mas napadali ang ilahang pagtrabaho, ug pagkolekta sa mga basura, sanglit kay naabut na ang mga “suction machine”.
Dugang usab niini, nga mahinungdanon ang holistic approach ug ang presensya ug partisipasyon sa mga katawhan aron ma sulbad ang problema sa baha. | Bombo Nathaniel Sandoval
