LAPU-LAPU CITY– ‘Fake News’ matud pa ni Lapu-Lapu City Mayor Junard Ahong Chan ang mikatap karon sa social media nga usa ka text diin nag-ingon nga dunay nagpositibo sa N-Cov sa dakbayan sa Lapu-lapu.
Sa pakighinabi sa Bombo Radyo Cebu lang Mayor Chan sa programang Bombo Reports Afternoon Edition, gisaysay niini nga subay sa mga measures nga gihimo karon sa matag LGU ingon ang kinatibuk-ang probinsya sa Sugbo, ang Lapu- Lapu City usab ang dunay gi-umol nga hotline kung diin ang mga hotels mutawag ngadto kanila kung duna’y mga customer nga maghilanat og flu.
Gitataw ni Ahong Chan nga dunay usa ka hotel nga nanawag gumikan kay gihilantan ang ilang customer nga 3 anyos nga bata’ng gikan sa Guangzhou, China–kasikbit sa Wuhan kung diin nagikan sa Virus .
Dali dayon kini nga gi-adto sa DOH ug gimonitor. Sa migawas nga resulta, negatibo ang maong bata sasakit nga related sa N-Cov.
Gihimug-atan sa Mayor nga boot lamang kini nga nanagana apan dili usab maka-angayon nga mutoo gilayon sa mga peke nga mga taho o balita.
