Usa ka adlaw sa dili pa ang adlaw sa paglingkod isip bag-ong gobernadora sa Sugbo, nagpahigayon ang mga supporters ni Cebu Governor-elect Pam Baricuatro og libreng thanksgiving concert.
Kini nahitabo sa Plaza Independencia ug giulohan nga “Salamat Sugbo,” nga gitambungan sa iyang mga supporters, anaa usab ang presensya nila ni Malasakit@Bayanihan Partylist Representative Girlie Veloso; PDP Against senatorial candidate Jimmy Bondoc, Atty. Israelito Torreon kinsang nagpresentar kang Pastor Quibooy, ingon man si Rep. Harold Duterte sa Pwersa sa Pilipinong Pandagat (PPP) Partylist.
Walay puas usab ang pagpasalamat ni Pamela sa pagsalig nga gihatag kaniya ug nanghinaot nga sa iyang paglingkod karong adlawa kay mainiton kining dawaton ug dawaton sa umaabot nga katuigan.
Gihulagway usab ni Pamela nga “better sweet” ang ilang pagbalik sa Plaza gumikan ang ulahing tungtong niini kay ang pagkadakop kang kanhi Presidente Rodrigo Duterte.
Gibalikan niini ang ilang mga dangoyngoy ug hugot nga pag-ampo alang sa kanhi Presidente.
Gidugang usab niini nga ang iyang kadaugan kay dili pa kompleto tungod kay wala pa nahibalik sa nasud si Duterte, apan bisan paman niini kay padayon gihapon kining naglaum nga makabalik nga buhi ug makita sa kanhi ang iyang pagdumala sa Sugbo ug makauban pagbalik sa mga panagtapok sa mga Sugboanon.
Hinungdan nga padayon niya nga giawhag ang tanan sa pag-ampo ug pakigbisog hangtud nga makatungtong balik sa yutang Pilipinas si Duterte.
Samtang, niadtong Sabadom Hunyo 28, 2025 sa Capitol Social Hall kay nanamilit na usab si outgoing Cebu Governor Gwendolyn “Gwen” Garcia diin opisyal niyang gitapos ang iyang ikalima ug katapusang termino isip gobernadora sa Sugbo.
Atubangan sa mga kaalyado, mga department head, ug sinaligan nga mga tigpaluyo, si Garcia namalandong sa piniliay niadtong Mayo 12 ug sa iyang mga plano nga molapas sa politika.
Ingon man nga gipasalig ni Garcia nga dili permanente ang iyang pagbiya sa serbisyo publiko.
Iyang gitapos ang iyang mensahe pinaagi sa pag-ingon, “Goodbye is not the end.”
Gihuman usab niini ang iyang speech sa iconic nga linyang “Hasta la vista, baby”—nga nagkahulogang “hangtod nga magkita ta pag-usab” sa Kinatsila.
