CEBU CITY-Magpahigayon og ‘Thanksgiving Mass’ ug ‘Panihapon’ si Cebu City Mayor Edgardo Labella agi og pasalamat sa malampusong kasaulogan sa Sinulog 2020 karong umaabot nga Enero 31.
Imbitaron sa mayor ang kapulisan, ingon man ang media ug tanang involve sa kasaulugan sa piyesta Senyor nga maoy nakacontribute sa kalampusan sa Sinulog.
Gipasigarbo usab ni Labella nga walay untoward incident nga nahitabo gawas nalang niadtong ‘boy laway’ nga namahid og pintal nga dunay sagol laway ug ang usa ka mahuyang nga nagpakita sa iyang su-so samtang nagbitbit sa imahe ni Sr. Sto Niño.
Hilabihan usab nga nagpasalamat ang mayor sa men and women in uniform ug angayan lang matud pa sila nga matagaan og recognition gumikan sa pagbantay nga mamahimong malinawon ang Sinulog Festival.
Saulugon ang thanksgiving mass ug ingon man salo-salo sa waterfront hotel. | reports from Bombo Jun Salde
