CEBU CITY-Daku ang pagtu-u sa IBF junior bantamweight World Champion, Jerwin Ancajas nga mudaug si Senator Manny Pacquiao sa away niini ibabaw sa ring ugmang adlawa batuk kang Keith Thurman.
Sa eksklusibo nga pakighinabi sa Bombo Radyo Cebu kang Ancajas nga anaa karun sa Las Vegas, gibutyag niini nga kaya ni Manny nga sabayan si Thurman ug ma-knockout kini sa Round 6.
Matud ni Ancajas nga maayu ang kondisyon sa fighting senator alang sa binukbukay niini ugmang adlawa. Walay duda, sigon pa, nga mas daku ang tsansa nga mudaug sa away si Pacman batuk kang Thurman kung diin mas hugut ang gihimu nga preparasyon itandi sa mga nakalabay nga away niini.
Napanglantawan ni Ancajas nga kapuyun si Thurman human sa Round 5hayan tsansa kini sa Pambansang Kamao nga pildihun ang American boxer.
Naghinam-hinam na usab kini sa nahisgutang away gumikan kay nakita niini ang pagkahinam sa undefeated Super WBA Welterweight Champion Keith Thurman nga pildihun ang Pinoy ring icon. (SBR)
