Tickets sa Day 3 sa Grand BINIverse, nahurot sa wala pa’y duha ka oras

Paspas nga nahalin ang mga ticket sa ikatulong adlaw sa concert sa BINI sa Araneta Coliseum karong Nobiyembre sa wala pa’y duha ka oras.

Mao kini ang gi-anunsyo diin nagpamatuod nga daghan ang naghinam-hinam og gustong mosalmot ug motan-aw sa pasundayag sa P-pop group.

Gani, nalabwan niini ang oras nga na-sold out tungod lay sa unang duha ka adlaw, nahalin tanan sulod sa tulo ka oras.

Ang tulo ka adlaw nga kalihokan mahitabo sa Nobyembre 16, 17, ug 18 sa Big Dome. Kini human sa malampusong concert sa BINI sa New Frontier Theater niadtong ulahing bahin sa Hunyo.