Gidakop ang golf legend nga si Tiger Woods, 50 anyos, sa Jupiter Island, Florida tungod sa suspetsang nagmaneho ubos sa impluwensya sa ilimnong makahubog.
Nasayran nga nawad-an siya og kontrol sa iyang Range Rover samtang misulay paglikay sa usa ka trak, nga hinungdan sa pagbalintong sa sakyanan.
Pag-abot sa mga opisyal, nakita nila nga aduna kini timailhan nga hubog.
Nakigtambayayong si Woods sa imbestigasyon apan midumili sa pagpailalom sa urine test aron masuta kung nakainom ba siya. Ang breathalyzer test wala magpakita og alkohol, apan nagpabilin siyang midumili sa maong pagsulay.
Kung mapamatud-an nga nakainom siya samtang nagmaneho, mahimo niyang atubangon ang mga kaso nga driving under the influence (DUI), kadaot sa kabtangan, ug pagdumili sa pagsumite sa legal nga pagsulay.
