CEBU CITY — Nasikop sa Pardo Police pinaagi sa citizens arrest ang usa ka 39-anyos nga babayeng magtutudlo human kini gireklamo nga nangumot og nawong sa iyang magtutungha nga kwatro anyos.
Sa pakighinabi sa Bombo Radyo kang Pardlo Police Station Chief Police Major John Kareen Escober gikompiramr niini ang maong pagka aresto sa magtutudlo nga giilang si Mae Letigo sa tunghaan nga gitudlaan niini sa dakbayan.
Wala matod pa’y plano ang mga ginikanan sa bata nga i-sibog ang kaso batok sa magtutudlo nga si Mae Letigo kinsa gireklamong nanagmal sa iyang pupil human wala niini matod pa gitubag ang test paper.
Mag-atubang og kasong kalapasan sa RA 7610 o the Act on Special Protection Against Child Abuse, Exploitation and Discrimination.
‘Teach with passion’
Gihimug-atan ni Department of Education (DepEd) Region 7 Director Dr. Salustiano Jimenez nga kinahanglan nga adunay “passion” sa pagtudlo ang mga teachers og ang mga buot mamahimong magtutudlo aron malikayan nga makadapat og mga estudyante.
Kini ang reaksiyon ni Dr. Jimenez sa gikatahong pagka-aresto sa usa ka 39-anyos nga maestra gumikan sa pagkumot matod pa niini sa nawong sa iyang kwatro anyos nga magtutungha gumikan kay wala niini gitubag ang test paper.
Hinuon matod ni Jimenez, ila nang gipaimbestigaran ang maong panghitabo.
Subay niini, gipasabot sa maong DepEd opisyal nga kinahanglan sa matag magtutudlo nga ma orient sa Child Protection Policy diin matag tunghaan aduna’y team nga molantaw sa mga reklamo.
Panawagan ni Dr. Jimenez sa mga magtutudlo og gusto pang magtudlo, kinahanglan nga mas patas-an pa ang pasensiya og kanunay nga ipatuman ang maximum tolorance og likayan gayud nga manapat sa mga estudyante.
Hinuon nasabtan usab niya matod pa ni Jimenez ang sitwasyon sa mga magtutudlo nga dili lalim nga adunay daghang giakatar nga mga magtutungha apan kinahanglan gyud ang maximum tolerance og pasensiya alang niini. (with reports by Bombo Joann Gantalao/gs)
