CEBU CITY — Sirado gihapon alang sa international audience ang mga venue alang sa umaabot nga Tokyo Olympics karong Hulyo sa Japan.
Sumala pa sa report ni Bombo International Correspondent Leah Bartique gikan sa Osaka, Japan, nagpabiling sirado ang maong nasud alang sa mga langyaw nga bisita gumikan sa padayong pagsaka sa mga kaso sa COVID-19.
Nasayran nga dili gihapon makasulod ang mga langyaw sa nasud, apil na ang mga Pilipino, bisan pa man og adunay rehistradong visa.
Una nang nadesisyunan sa International Olympic Committee (IOC) ug sa mga organizers nga did-ang makalantaw sa tanang mga sporting events ang tanang mga langyaw.
Samtang gipatuman gihapon sa maong nasud ang travel advisory nga nagdili sa pagsulod sa mga turista gikan sa 152 ka mga nasud, apil na ang Pilipinas, isip pagsanong sa striktong protocols batok sa COVID-19.
