Naaresto sa mga kapulisan sa Inayawan Police Station 7 sa dakbayan sa Sugbo ang usa ka 48-anyos nga lalaki nga giila nga Top 5 Most Wanted Person sa Cebu City Police Office.
Nahitabo ang maong pag aresto didto sa Barangay Basak Pardo sa maong dakbayan pasado alas 11:25 sa kabuntagon niadtong adlaw nga Lunes Hunyo 24, 2024.
Subay sa gipahigayong imbistigasyon sa mga kapulisan nga ang akusado gipasakahan og kalapasan sa RA 10591 o Comprehensive Firearms and Ammunition Regulation Act sa illegal nga posesyon sa armas niini.
Kini subay sa lagda sa RTC 7th Judicial Region Branch 23 Cebu City nga giisyu niadtong Abril 24, 2024.
Kasamtangan nga nakadetained karun ang akusado sa Inayawan Police Station 7 custodial male facility arun ipresentar ngadto sa nag isyu nga korte.
