Nagpaabot og mensahe si kanhi PNP chief ug kasamtangang MMDA General Manager Nicolas Torre III ngadto kang kanhi Presidente Rodrigo Duterte taliwala sa iyang kasong crimes against humanity sa International Criminal Court (ICC).
Sumala ni Torre, ang hustisya mopatigbabaw sa katapusan ug ingon man nga nanghinaut kini nga anaa sa maayong panglawas ang kanhi.
Dugang usab niini nga “Justice will prevail in the end. I wish him luck, and I wish him well.”
Kahinumduman nga si Torre ang nanguna sa pag-dakop sa kanhi Presidente sa dihang siya pa ang pangu sa PNP Criminal Investigation and Detection Group (PNP-CIDG) niadtong Marso sa miaging tuig.
Ingon man nga niadtong Miyerkules, gikumpirmar sa mga huwes sa ICC Appeals Chamber ang hurisdiksyon niini sa kaso sa krimen batok sa katawhan batok kang kanhi Presidente Rodrigo Duterte.
Tungod niini, giisip sa Appeals Chamber nga “moot” o walay pulos ang hangyo sa depensa alang sa diha-diha ug walay kondisyon nga pagpagawas sa kanhi Presidente.
