CEBU CITY-Girelibohan sa iyang katungdanan sa Cebu City Police Office ang babaye nga pulis nga nadestino sa Basilica Minore del Sto. Niño ubos sa Tourist Police Unit mahitungod sa kalambigitan niini sa diskriminasyon sa usa ka miyembro sa LGBT niadtong Hulyo 27, 2024.
Nahitabo kini sa entrada sa Basilica Minore del Sto Niño dii lakip sa pulis kay aduna pud sa eksena ang mga designated sucrity guards sa maong lugar.
Subay sa panghitabo nga ang maong pulis nga babaye nipugong sa giilang Teacher Athena nga makasulod sa simbahan tungod sa pagsul-ob og shorts ug wa pagdala og laing valid ID gawas sa Philippine passport niini.
Daling mikatap online ang video sa insidente human kini gi-post ni Teacher Athena sa iyahang social media account.
Kahinumduman nga sa nag-viral nga video, madungog si Athena, kinsa giila nga usa ka transgender nga babaye, nga naghangyo sa pulis nga babaye ug sa mga security guard nga tugotan siya nga makasulod sa Basilica.
Matod niya nga gusto lang niya magdagkot og kandila, mag-ampo ug mopalit og Sto. Niño sa iyang pagbalik sa Taiwan, diin siya nagtrabaho isip magtutudlo.
Padayon pa ang imbestigasyon sa buhatan sa CCPO aron sa pagsulbad sa maong isyu.
