Naglusad ang China og duha ka imbestigasyon sa mga pamaagi sa pamatigayon sa US, agig tubag sa umaabot nga pagbisita ni Presidente Donald Trump sa US sa Mayo.
Ang Ministry of Commerce sa China nag-ingon nga ang mga imbestigasyon gihimo aron mapanalipdan ang interes sa mga industriya sa nasud ug agig tubag sa nangaging mga taripa sa US batok sa daghang mga nasud, lakip ang China.
Gipasiugda usab sa Beijing ang “firm opposition” niini sa mga lakang sa Amerika.
Usa sa mga imbestigasyon ang magsusi sa mga polisiya sa US nga giingong nagdili sa pagsulod sa mga produkto sa China sa merkado niini, ingon man mga pagdili sa pag-export sa mga advanced nga teknolohiya sa China.
Ang ikaduha nagpunting sa mga nakababag sa pag-export sa green energy products sa China.
Gilauman ang mga imbestigasyon nga molungtad og unom ka buwan, nga adunay dugang nga tulo ka buwan kung kinahanglan.
Kini nakita usab nga laing hugna sa dugay na nga gubat sa pamatigayon sa China sa Estados Unidos ug mahimong magsilbing himan sa pagnegosasyon batok sa posible nga bag-ong mga taripa sa Amerika.
