LAPU-LAPU CITY, CEBU-Nagmalaumon si Lapu-Lapu City Mayor Junard ‘Ahong’ Chan ang pagtukod ug train system subay sa iyahang damgo nga mahimong “Little Hong Kong” ang dakbayan.
Gipahibalo sa mayor nga misulod kini ug memorandum of understanding kauban ang pribado nga kompanya nga Futran Philippines, Inc.
Ang maong MOU kay nagtugot sa maong kompanya nga maghimo ug feasibility study sa pagtukod ug train o mono rail, light rail o personal rapid transit sa dakbayan sa Lapu-Lapu.
Gituohan sa maong kompanya nga ang train ang pinaka-nindot nga klase sa transport system sa dakbayan ilabi na nga anaa usab sa area ang international airport, ingon man nga kini usab ang pinakadali nga mode of transportation sa mga turista sa ubang dagko nga nasud sama sa Singapore, HongKong, Japan ug uban pa.
Gibutyag ni Mayor Chan nga kung mahuman na ang maong feasibility study ug adunay proponent nga mo-invest sa maong proyekta, ang dakbayan sa Lapu-Lapu ang pinaka-unang syudad gawas sa Metro Manila nga makabaton ug train isip bag-ong transport system.
